Misioni dhe Vizioni

HISTORI

28 VJET CRCA SHQIPËRI!

“Duke punuar të gjithë së bashku, ne mund të ndërtojmë një Botë më të mirë për fëmijët dhe të rinjtë.”

Këshillime në vit ndaj fëmijëve

Vite barazi, respekt, progres

Statistika ndër vite

CRCA ka një numër të pafund rekordesh pozitive kur bëhet fjalë për propozimin e ligjeve dhe politikave të reja për fëmijët dhe të rinjtë.

Falë punës tonë të përbashkët me Parlamentin, disa ministrive dhe ekspertëve ligjorë ne kemi sjellë legjislacionin shqiptar në përputhje me normat ndërkombëtare të të drejtave të fëmijëve. Fëmijët sot janë më të mbrojtur nga ligji penal dhe të të drejtave të fëmijëve, shërbimet sociale dhe shumë ligje të tjera të lidhura me to.

Mbi 800,000 fëmijë dhe të rinj kanë përfituar nga programet, shërbimet dhe iniciativat e CRCA në fusha të ndryshme si mbrojtja e të drejtave të fëmijëve, edukimi, shëndeti mendor, fuqizimi i të rinjve dhe barazia gjinore.
Ndikimi i CRCA është reflektuar në përmirësimin e kushteve të jetesës, aksesin më të madh në arsim dhe shërbime sociale, si dhe në fuqizimin e të rinjve përmes programeve të lidershipit dhe trajnimeve.

Mbi 20,000 raste të fëmijëve dhe të rinjve janë trajtuar për çështje të ndryshme që lidhen me dhunën, abuzimin, shfrytëzimin, diskriminimin, trafikun e qenieve njerëzore dhe probleme të tjera sociale.
CRCA ka ofruar ndihmë ligjore, psikologjike dhe sociale për viktimat, duke ndërmarrë veprime konkrete për mbrojtjen e tyre dhe rehabilitimin.
Përmes qendrave të saj dhe linjave të ndihmës, organizata ka ndihmuar qindra fëmijë dhe të rinj të dalin nga situata të rënda dhe të rikthehen në një jetë më të sigurt.

Mbi 10,000 profesionistë kanë përfituar nga trajnimet e organizuara nga CRCA, duke përfshirë:
Punonjës socialë
Psikologë
Mësues
Policë
Juristë dhe avokatë
Punonjës të institucioneve shtetërore dhe organizatave të shoqërisë civile
Trajnimet janë fokusuar në mbrojtjen e fëmijëve, parandalimin e dhunës dhe abuzimit, të drejtat e njeriut, dhe përmirësimin e shërbimeve sociale për grupet më të rrezikuara.

Mbi 20 nisma ligjore janë iniciuar nga CRCA, ose në bashkëpunim me qeverinë, deputetë apo organizata të shoqërisë civile.
Këto nisma kanë ndikuar në përmirësimin e kuadrit ligjor për mbrojtjen e të drejtave të fëmijëve dhe të rinjve, duke përfshirë:
Ligje për mbrojtjen e fëmijëve nga dhuna dhe abuzimi
Politika për mbrojtjen e fëmijëve në internet
Ligje për fuqizimin e të rinjve dhe pjesëmarrjen e tyre në vendimmarrje
Strategji kombëtare për mbrojtjen e fëmijëve në situata të rrezikshme
Përmirësime të Kodit Penal për ashpërsimin e dënimeve për dhunën dhe abuzimin ndaj fëmijëve

Qendra për Mbrojtjen e të Drejtave të Fëmijëve në Shqipëri (CRCA/ECPAT Shqipëri) punon për të promovuar respektimin e të drejtave të fëmijëve dhe të rinjve, për t’i mbrojtur ata nga dhuna, abuzimi dhe shfrytëzimi, për të zhvilluar të drejtat e fëmijëve dhe të rinjve në Shqipëri, për të rritur pjesëmarrjen e fëmijëve dhe të rinjve në nivelin kombëtar dhe lokal, nëpërmjet lobimit dhe avokatësisë, përmirësimit të politikave dhe legjislacionit, ngritjes së kapaciteteve, informimit dhe hulumtimit, si dhe krijimit të modeleve të mira të shërbimeve për kujdesin dhe mbrojtjen e fëmijëve.

CRCA promovon zbatimin e Konventës së OKB-së për të Drejtat e Fëmijëve dhe standardeve tjera kombëtare dhe ndërkombëtare të të drejtave të njeriut.

Qendra për Mbrojtjen e të Drejtave të Fëmijëve në Shqipëri – CRCA është një organizate joqeveritare, jopolitike, jofetare dhe jofitim prurese. Ajo gjatë funksionimit të saj promovon në mënyrë të veçantë respektimin e të drejtave të fëmijëve, të të rinjve, të njeriut, të grave dhe të minoriteteve.

CRCA gjatë veprimtarisë së saj promovon faktin se fëmija është një individ me te drejta te patjetersueshme dhe të detyrueshme për tu respektuar nga të gjithë. CRCA ka si parim bazë të punës pjesmarrjen e fëmijëve dhe të rinjve në të gjithë procesin e vendim-marrjes të organizatës.

CRCA gjatë punës së saj e ka të ndaluar të promovojë urrejtjen fetare, ndër-etnike, diskriminimin për shkak të ngjyrës, etnisë, fesë, moshës, gjinisë, orientimit seksual, identitetit gjinor, aftësisë, statusit social apo bindjeve politike etj.

CRCA në veprimtarinë dhe vendim-marrjen e saj është e pavarur nga qeveria, institucionet ne varësi të qeverisë, shoqata, grupime ose parti politike, fetare, biznesi etj. CRCA mund të jetë anëtare e grupimeve apo organizatave të tjera brenda dhe jashtë Shqipërisë. Vendimi për anëtarësinë e CRCA e merr Bordi i Drejtorëve.